Tama na.

Hindi ko alam kung bakit ako nagkakaganito. Hindi ko alam kung bakit ako naiinis kapag magkasama kayo. Gusto ko parati lang kitang nakikita. Ayaw kong mawala ka sa paningin ko lalo na kung alam kong siya ang kasama mo. Shet. Hindi ko alam kung anong nangyayari sa akin. Mas gusto ko na ang kasama mo eh yung dapat mong kasama. Hindi siya. Sino ba kasi siya di ba. Alam kong friendly ka pero parang hindi na tama. Hindi lang ako ang nakakahalata. May iba ring nakakapansin. Ano ba ang problema mo?! Hindi na tama, alam mo ba.

Nakakainis lang lalo na apektado ako kahit na hindi naman dapat. Ni hindi ko alam kung bakit ako ang nagrereact eh pareho lang naman kaming walang karapatan. Alam ko kung ano ang tingin mo sa akin at naisip ko na rin na baka mapalitan niya ako sa mga mata mo. Pero yun nga lang ba ang dahilan? Alam mo ba, na ikaw ang gusto kong gawing basehan? Iba ka kasi eh, almost perfect. Sana yung may karapatang sumama sa'yo, dumating na. Kung ano-ano na kasi ang naglalaro sa isip ko pag itong isa ang kasama mo eh. Hindi na maganda. Baka mawala ang respeto ko sa'yo.