Pissed off!

Masaya tayo kanina, nung tayo palang. Pero, hindi ko alam kung napansin mo na nung dumating siya, nagbago ang mood ko. Nakangiti ako sa'yo kanina pagdating ko pero nung pumasok siya, automatic ang pagsimangot ko. I caught you ogling at her. Tsk tsk tsk. Lalaki ka talaga. Para akong tanga noh? Ako yung masyadong apektado. Pero ang totoo, hindi naman dapat. Ewan ko ba, sa tuwing makikita ko siya at maririnig ko ang boses niya, nabubuwisit ako. Naiinis ako. Nanggigigil ako. Siguro kasi... wala. Hindi ko alam kung bakit talaga. Ni wala akong sigurong dahilan na maisagot. Naiinis ako sa ginawa niyang pagpuwesto kanina. Naiirita ako. Sana dumating na yung isa para matapos na ang kalokohang ginagawa niya.

Hindi ko alam how to put into words ang lahat ng laman ng dibdib ko. Sana maramdaman mo na tuwing pupuntahan kita at nandoon siya, iba ang pakikitungo ko sa'yo. Nakayuko lang ako, hindi kita tinitingnan at kinakausap. Nagiiwan lang ako ng mga notes sa'yo. Ayaw ko kasing nangingialam siya eh. Ewan, feeling ko, para tayong may sikreto na sa atin lang. Pero ang totoo alam kong sinasabi mo rin sa kaniya. Minsan nga tinitingnan pa niya kung ano ang laman ng notes ko eh. Dun ako lalong naiinis.

Kanina, sinabi mo sa kaniya "mabait ako na bata". Nginitian kita, tumawa ka at siya. Pero ang hindi mo alam, masakit 'yon. At least nalaman kong "bata" lang ako.